Saturday, July 20, 2013

..... baadal'on ke paar kahin

Aa ud chalein baadal'on ke paar kahin,
Jahan is bazm ka koi fareb na ho..

Jahan mazhab na ibadat ko mehdood kare,
Jahan siyasat ke naam pe na koi taqseem ho..

Jahan naaz ho humko apni hasti par,
Jahan ishq karna gunaah na ho..

Jahan bachpan khilon'on ke sang guzre,
Jahan ladakpan ki masoon shararatein ho..

Jahan seher ammi ki dua'on se ho shuru,
Jahan murshid ke kadam'on par anjaam ho..

 Aa ud chalein baadal'on ke paar kahin,
Jahan har sheh pe bas tera naam ho..