Saturday, July 31, 2010

lafzon ki tasveer banayi , dil ko apne samjhaa liya
khwabon ka ek mahal banaya, yaadon ko mehkaa liya.

baithe rahe akele ghanton, sochte rahe yun hi tumhe
kuch sher likhe, kuch geet gaye,kuch zakhmo ko sehlaa liya

poocha kisi ne to chup rahe, naam tumhara nahin liya
zara sa soche, zara sa sambhlay ,ek hasi ka mukhota sajaa liya

chale wahan se ,fir rah se bhatke, toota jo sabr to ro diye
baadlon ne diya saath fir aisa, aansuon ko humare chhupa liya

chali hava fir thaam ke ungli, kadam kadam se mila liye
fir samjhaya, fir se manaya, fir meri mohobat ko bachaa liya !!!