Monday, November 9, 2009

Kahan hai..kabhi to aaja saamne,
Daaman lehra raha hai aaja usse thaamle...
Aisa to nahin ki fir mulaaqat na hogi,
Par aaj si haseen fir raat na hogi..
Falaq pe chaand bhi palkein bichaaye hai,
Taaron ne bhi kai armaan sajaaye hain..
Saaki ko bhi rok rakha hai mehkhaane mein,
Aaja ki dekh le nasha jaam chhalkaane mein..
Zindagi se to hum thak se gaye hain,
Chalte chalte kadam kuch behak se gaye hain..
Kai haste chehre hain aas paas,
Fir bhi na jaane kyun hai dil bohot udaas..
Aaja ki bas tera intezaar hai,
Ruh tere wasl ko talabgaar hai..
Toot raha hoon,teri tasveer hai nighaahon mein
sun le sadaayein,Bikhar jaane de JEET ko apni bahon mein..
Na shikwa kisi se hai, na doonga kisi ko dosh main..
Bas aaja, MAUT, lele mujhko apni aagosh main…