Tuesday, November 27, 2007

mere khamosh izhaar ka woh waqt aaj bhi gawah hai
tere ankahe iqraar ka woh waqt aaj bhi gawah hai
haste hain raqeeb mujh par doston ko shuba hai
humare darmayaan rabt ki naseem aaj bhi gawah hai
aaj ujaad hai yeh basti yeh chaman bhi weeran hai
un gulon ke khilne ka har sheh aaj bhi gawah hai
aaj mai-qade mein mai hi nahin saaqi na jaane kahan hai
us shaam ki mehfil ka har jaam aaj bhi gawah hai
aaj tanhaiyon ka basera hai har shaks aaj akela hai
us kaafile ke saath ka JEET aaj bhi gawah hai
kai haseen manzilein thi kai shok sadaayein bhi
meri gumnaam mohabat ka khuda aaj bhi gawah hai